فتاه معذبه ‏

فتاه معذبه ‏
‎ "
أنا عندي مشكلة غريبة .أنا كنت مخطوبة وبعد فترة تركت خطيبي بعد حوالي 4 شهور. وبعد فترة مش كبيرة من التخرج أتعرفت على شاب و شعرت انه مناسب (في الوقت دة)بعدة كده انفصلنا ورجعنا على طول واتخطبت للشخص دة من حوالى سنة ونصف ومازلنا مخطوبين ,,
ثم بدأت تظهر المشكلة ان أنا اشتغلت فى مكان كبير ومن خلال احتكاكي بناس تانى شعرت ان انا أتسرعت وكان فى المدير (( شاب صغير قريب اوووى من ربنا ومش بيشرب سجاير وربنا معه ديما لدرجة عامل زى يوسف كان الله مع يوسف فكان رجلا ناجحا , هو كدة بالضبط وبالمقابل انا خطيبى يشرب مش بس سجاير وكمان بعيد عن ربنا . المهم انا جالى شغل تانى وانتقلت له وهنا كانت المفاجأة اكتشفت أن المدير بيحبني ومعجب بي جدا . وبصراحة انا كنت بصلى انى اكون لية وكنت بتمناه من كل قلبي وخطيبى ظهرت عندة مشاكل مادية جامدة اوووى يعنى اخر الكلام عشان مطولش عليكم انه بيحبنى وقال لشخص من باب الفضفضة والشخص قلي الكلام ودلوقتى مش عارفة اترك خطيبي مرة تاني والمدير ممكن يتقدم ولا مش ممكن يتقدم وبكده ضيعت نفسي
انا حبيت فيه انه يعرف ربنا ومتدين وابن ناس مش لفلوسة ولامركزة بس عشان معدنه وانه شخص محترم ، على فكرة انا بنت راجل كويس ومعروف.
مش عارفة اعمل أية بفكر فيه ليل نهار وهو كمان عنية بتتكلم وبيحبنى انا متاكدة وموعد زفافي قرب انا نفسى اعرفة انى بحبه وانى ممكن اعمل اى حاجة علشانه و انا عايزة اعرف ممكن اوصل دة ازاى من غير مفقد احترامى لنفسى ولا هو لي. انا فى انتظار رد منكم ربنا يعوض تعب محب